אֱדַ֗יִן לְדָנִיֵּ֛אל גֲלִ֑י רָזָ֣ה בְּחֶזְוָ֥א דִֽי;לֵילְיָ֖א בָּרִ֖ךְ דָּֽנִיֵּ֔אל לֶאֱלָ֥הּ שְׁמַיָּֽא

עָנֵ֤ה דָֽנִיֵּאל֙ וְאָמַ֔ר לֶהֱוֵ֨א שְׁמֵ֤הּ אֱלָהָא֙ מְבָרַ֔ךְ מִן עָלְמָ֖א וְעַ֣ד עָלְמָ֑א דִּ֧י הִֽיא חָכְמְתָ֛א וּגְבוּרְתָ֖א

עָנֵ֨ה נְבֽוּכַדְנֶצַּ֜ר וְאָמַ֗ר בְּרִ֤יךְ אֱלָהֲהוֹן֙ שַׁדְרַ֤ךְ מֵישַׁךְ֙ וַעֲבֵ֣ד;נְג֔וֹ דִּֽי שְׁלַ֤ח מַלְאֲכֵהּ֙ וְשֵׁיזִ֣ב לְעַבְד֔וֹהִי דִּ֥י הִתְרְחִ֖צוּ עֲל֑וֹהִי שַׁנִּ֔יו וּמִלַּ֤ת מַלְכָּא֙ וִיהַ֣בוּ גֶשְׁמְה֗וֹן דִּ֠י;לָֽא יִפְלְח֤וּן וְלָֽא יִסְגְּדוּן֙ לְכָל;אֱלָ֔הּ לָהֵ֖ן לֵאלָֽהֲהֽוֹן

וְלִקְצָ֣ת יֽוֹמַיָּה֩ אֲנָ֨ה נְבוּכַדְנֶצַּ֜ר נִטְלֵ֗ת עַיְנַ֣י לִשְׁמַיָּ֣א עֲלַ֣י;יְת֔וּב וּמַנְדְּעִי֙ בָּרְכֵ֔ת וּלְעִלָּאָה֙ שַׁבְּחֵ֣ת וְהַדְּרֵ֑ת וּלְחַ֥י עָלְמָ֖א דִּ֤י שָׁלְטָנֵהּ֙ שָׁלְטָ֣ן עָלַ֔ם וּמַלְכוּתֵ֖הּ עִם דָּ֥ר וְדָֽר

כְּדִ֨י יְדַ֜ע וְ֠דָנִיֵּאל רְשִׁ֤ים כְּתָבָא֙ עַ֣ל לְבַיְתֵ֔הּ וְכַוִּ֨ין פְּתִיחָ֥ן בְּעִלִּיתֵ֔הּ נֶ֖גֶד יְרוּשְׁלֶ֑ם בָּרֵ֣ךְ עַל בִּרְכ֗וֹהִי תְּלָתָ֨ה וְזִמְנִין֩ בְיוֹמָ֜א וּמְצַלֵּ֤א וּמוֹדֵא֙ קֳדָ֣ם אֱלָהֵ֔הּ כָּל;קֳבֵל֙ דִּֽי;הֲוָ֣א עָבֵ֔ד מִן;קַדְמַ֖ת דְּנָֽה