הֲוָת֙ עַל שָׂבֵ֣י יְהוּדָיֵ֔א וְעֵ֣ין אֱלָהֲהֹ֗ם וְלָא בַטִּ֣לוּ;הִמּ֔וֹ עַד יְהָ֑ךְ טַעְמָ֖א לְדָרְיָ֣וֶשׁ וֶאֱדַ֛יִן יְתִיב֥וּן נִשְׁתְּוָנָ֖א עַל דְּנָֽה

אֱדַ֗יִן שְׁאֵ֙לְנָא֙ אִלֵּ֔ךְ לְשָׂבַיָּ֣א אֲמַ֣רְנָא לְּהֹ֑ם כְּנֵ֖מָא מַן שָׂ֨ם;לְכֹ֜ם;טְעֵ֗ם לְמִבְנְיָ֔ה דְנָה֙ בַּיְתָ֤א לְשַׁכְלָלָֽה דְנָ֖ה וְאֻשַּׁרְנָ֥א

שְׁבֻ֕קוּ לַעֲבִידַ֖ת בֵּית אֱלָהָ֣א דֵ֑ךְ פַּחַ֤ת יְהוּדָיֵא֙ וּלְשָׂבֵ֣י יְהוּדָיֵ֔א יִבְנ֥וֹן בֵּית אֱלָהָ֥א דֵ֖ךְ עַל אַתְרֵֽהּ

וּמִנִּי֮ שִׂ֣ים טְעֵם֒ לְמָ֣א תַֽעַבְד֗וּן עִם שָׂבֵ֤י יְהוּדָיֵא֙ אִלֵּ֔ךְ לְמִבְנֵ֖א בֵּית אֱלָהָ֣א דֵ֑ךְ וּמִנִּכְסֵ֣י מַלְכָּ֗א דִּ֚י מִדַּת֙ עֲבַ֣ר נַהֲרָ֔ה תֶּהֱוֵ֧א;מִֽתְיַהֲבָ֛א נִפְקְתָ֛א אָסְפַּ֗רְנָא אִלֵּ֖ךְ לְגֻבְרַיָּ֥א דִּי;לָ֥א לְבַטָּלָֽא

וְשָׂבֵ֤י יְהוּדָיֵא֙ בָּנַ֣יִן וּמַצְלְחִ֔ין בִּנְבוּאַת֙ חַגַּ֣י נְבִיָּ֔א וּזְכַרְיָ֖ה בַּר עִדּ֑וֹא וּבְנ֣וֹ וְשַׁכְלִ֗לוּ מִן טַ֙עַם֙ אֱלָ֣הּ יִשְׂרָאֵ֔ל וּמִטְּעֵם֙ כּ֣וֹרֶשׁ וְדָרְיָ֔וֶשׁ וְאַרְתַּחְשַׁ֖שְׂתְּא מֶ֥לֶךְ פָּרָֽס