כְּעַ֞ן אֲנָ֣ה נְבוּכַדְנֶצַּ֗ר מְשַׁבַּ֨ח וּמְרוֹמֵ֤ם וּמְהַדַּר֙ לְמֶ֣לֶךְ שְׁמַיָּ֔א דִּ֤י כָל מַעֲבָד֙וֹהִי֙ קְשֹׁ֔ט וְאֹרְחָתֵ֖הּ דִּ֑ין וְדִי֙ מַהְלְכִ֣ין בְּגֵוָ֔ה יָכִ֖ל לְהַשְׁפָּלָֽה

הִתְרוֹמַ֡מְתָּ וְעַ֣ל מָרֵֽא שְׁמַיָּ֣א הַיְתִ֣יו קָֽדָמָ֗ךְ וּלְמָֽאנַיָּ֨א בַיְתֵ֜הּ וְאַ֨נְתְּ וְרַבְרְבָנָ֜ךְ שֵֽׁגְלָתָ֣ךְ וּלְחֵנָתָךְ֮ שָׁתַ֣יִן בְּהוֹן֒ חַמְרָא֮ שַׁבַּ֑חְתָּ וְלֵֽאלָהֵ֣י כַסְפָּֽא וְ֠דַהֲבָא נְחָשָׁ֨א פַרְזְלָ֜א אָעָ֣א וְאַבְנָ֗א דִּ֠י לָֽא חָזַ֧יִן וְלָא שָׁמְעִ֛ין וְלָ֥א יָדְעִ֖ין וְלֵֽאלָהָ֞א דִּֽי בִּידֵ֛הּ נִשְׁמְתָ֥ךְ לֵ֖הּ וְכָל אֹרְחָתָ֥ךְ לָ֥א הַדַּֽרְתָּ