וְהַקְרִ֗בוּ לַחֲנֻכַּת֮ בֵּית אֱלָהָ֣א דְנָה֒ מְאָ֔ה תּוֹרִ֣ין מָאתַ֔יִן דִּכְרִ֣ין אַרְבַּ֣ע מְאָ֑ה אִמְּרִ֖ין תְּרֵֽי עֲשַׂ֔ר וּצְפִירֵ֨י עִזִּ֜ין לְחַטָּאָ֤ה עַל כָּל יִשְׂרָאֵל֙ לְמִנְיָ֖ן שִׁבְטֵ֥י יִשְׂרָאֵֽל

כָּל;קֳבֵ֣ל תִקְנֵ֜א אָסְפַּ֨רְנָא דְנָ֗ה בְּכַסְפָּ֣א תּוֹרִ֤ין דִּכְרִין֙ אִמְּרִ֔ין וּמִנְחָתְה֖וֹן וְנִסְכֵּיה֑וֹן וּתְקָרֵ֣ב;הִמּ֔וֹ עַֽל מַדְבְּחָ֔ה דִּ֛י בֵּ֥ית אֱלָהֲכֹ֖ם דִּ֥י בִירוּשְׁלֶֽם

כָּל;קֳבֵ֤ל דְּנָה֙ קְרִ֖בוּ בֵּהּ;זִמְנָ֔א גֻּבְרִ֣ין כַּשְׂדָּאִ֑ין וַאֲכַ֥לוּ;קַרְצֵיה֖וֹן דִּ֥י יְהוּדָיֵֽא

בֵּאדַ֜יִן קְרֵ֣ב נְבוּכַדְנֶצַּ֗ר לִתְרַע֮ אַתּ֣וּן נוּרָ֣א יָקִֽדְתָּא֒ עָנֵ֣ה וְאָמַ֗ר שַׁדְרַ֨ךְ מֵישַׁ֧ךְ וַעֲבֵד;נְג֛וֹ עַבְד֛וֹהִי דִּֽי;אֱלָהָ֥א עִלָּאָ֖ה פֻּ֣קוּ וֶאֱת֑וֹ בֵּאדַ֣יִן;נָֽפְקִ֗ין שַׁדְרַ֥ךְ מֵישַׁ֛ךְ וַעֲבֵ֥ד;נְג֖וֹ מִן גּ֥וֹא נוּרָֽא

וּכְמִקְרְבֵ֣הּ לְגֻבָּ֔א זְעִ֑ק לְדָ֣נִיֵּ֔אל בְּקָ֥ל עֲצִ֖יב עָנֵ֨ה מַלְכָּ֜א וְאָמַ֣ר לְדָנִיֵּ֗אל דָּֽנִיֵּאל֙ עֲבֵד֙ אֱלָהָ֣א חַיָּ֔א אֱלָהָ֗ךְ דִּ֣י אַ֤נְתְּ;פָּֽלַֽח;לֵהּ֙ בִּתְדִירָ֔א הַיְכִ֥ל לְשֵׁיזָבוּתָ֖ךְ מִן אַרְיָוָתָֽא

הֲוֵית֙ חָזֵ֤ה בְּחֶזְוֵ֣י לֵֽילְיָ֔א וַאֲרוּ֙ עִם עֲנָנֵ֣י שְׁמַיָּ֔א כְּבַ֥ר אֱנָ֖שׁ אָתֵ֣ה;הֲוָ֑ה מְטָ֔ה וְעַד עַתִּ֤יק יֽוֹמַיָּא֙ הַקְרְבֽוּהִי וּקְדָמ֖וֹהִי

קִרְבֵ֗ת עַל חַד֙ מִן קָ֣אֲמַיָּ֔א אֶבְעֵֽא מִנֵּ֖הּ וְיַצִּיבָ֥א עַֽל כָּל דְּנָ֑ה וַאֲמַר;לִ֕י יְהוֹדְעִנַּֽנִי וּפְשַׁ֥ר מִלַּיָּ֖א