וְהִתְנַבִּ֞י נְבִיָּ֗א חַגַּ֣י נְבִיַּיָּ֔א וּזְכַרְיָ֤ה בַר עִדּוֹא֙ עַל;יְה֣וּדָיֵ֔א דִּ֥י בִיה֖וּד וּבִירוּשְׁלֶ֑ם בְּשֻׁ֛ם אֱלָ֥הּ יִשְׂרָאֵ֖ל עֲלֵיהֽוֹן

וּכְנֵ֥מָא פִתְגָמָ֖א הֲתִיב֣וּנָא לְמֵמַ֑ר אֲנַ֣חְנָא עַבְדוֹהִי֩ אֱלָ֨הּ שְׁמַיָּ֜א וְאַרְעָ֗א וּבָנַ֤יִן בַּיְתָא֙ הֲוָ֨א בְנֵ֜ה מִקַּדְמַ֤ת דְּנָה֙ שְׁנִ֣ין שַׂגִּיאָ֔ן בְּנָ֖הִי וּמֶ֤לֶךְ רַ֔ב לְיִשְׂרָאֵל֙ וְשַׁכְלְלֵֽהּ

וְשָׂבֵ֤י יְהוּדָיֵא֙ בָּנַ֣יִן וּמַצְלְחִ֔ין בִּנְבוּאַת֙ חַגַּ֣י נְבִיָּ֔א וּזְכַרְיָ֖ה בַּר עִדּ֑וֹא וּבְנ֣וֹ וְשַׁכְלִ֗לוּ מִן טַ֙עַם֙ אֱלָ֣הּ יִשְׂרָאֵ֔ל וּמִטְּעֵם֙ כּ֣וֹרֶשׁ וְדָרְיָ֔וֶשׁ וְאַרְתַּחְשַׁ֖שְׂתְּא מֶ֥לֶךְ פָּרָֽס

בְנֵֽי יִ֠שְׂרָאֵל כָּהֲנַיָּ֨א וְלֵוָיֵ֜א וּשְׁאָ֣ר בְּנֵי גָלוּתָ֗א וַעֲבַ֣דוּ;חֲנֻכַּ֛ת בֵּית אֱלָהָ֥א דְנָ֖ה בְּחֶדְוָֽה

וְהַקְרִ֗בוּ לַחֲנֻכַּת֮ בֵּית אֱלָהָ֣א דְנָה֒ מְאָ֔ה תּוֹרִ֣ין מָאתַ֔יִן דִּכְרִ֣ין אַרְבַּ֣ע מְאָ֑ה אִמְּרִ֖ין תְּרֵֽי עֲשַׂ֔ר וּצְפִירֵ֨י עִזִּ֜ין לְחַטָּאָ֤ה עַל כָּל יִשְׂרָאֵל֙ לְמִנְיָ֖ן שִׁבְטֵ֥י יִשְׂרָאֵֽל

וְהַקְרִ֗בוּ לַחֲנֻכַּת֮ בֵּית אֱלָהָ֣א דְנָה֒ מְאָ֔ה תּוֹרִ֣ין מָאתַ֔יִן דִּכְרִ֣ין אַרְבַּ֣ע מְאָ֑ה אִמְּרִ֖ין תְּרֵֽי עֲשַׂ֔ר וּצְפִירֵ֨י עִזִּ֜ין לְחַטָּאָ֤ה עַל כָּל יִשְׂרָאֵל֙ לְמִנְיָ֖ן שִׁבְטֵ֥י יִשְׂרָאֵֽל

שִׂ֣ים מִנִּי֮ טְעֵם֒ דִּ֣י כָל מִתְנַדַּ֣ב בְּמַלְכוּתִי֩ מִן עַמָּ֨ה יִשְׂרָאֵ֜ל וְכָהֲנ֣וֹהִי וְלֵוָיֵ֗א לִמְהָ֧ךְ לִֽירוּשְׁלֶ֛ם עִמָּ֖ךְ יְהָֽךְ

וּלְהֵיבָלָ֖ה כְּסַ֣ף וּדְהַ֑ב הִתְנַדַּ֙בוּ֙ מַלְכָּ֣א וְיָעֲט֗וֹהִי לֶאֱלָ֣הּ יִשְׂרָאֵ֔ל דִּ֥י בִֽירוּשְׁלֶ֖ם מִשְׁכְּנֵֽהּ