וּמָ֣ה חַשְׁחָ֡ן וּבְנֵ֣י;תוֹרִ֣ין וְדִכְרִ֣ין וְאִמְּרִ֣ין לַעֲלָוָ֣ן לֶאֱלָ֪הּ שְׁמַיָּ֟א חִנְטִ֞ין מְלַ֣ח חֲמַ֣ר וּמְשַׁ֗ח כְּמֵאמַ֨ר כָּהֲנַיָּ֤א דִי בִירֽוּשְׁלֶם֙ לֶהֱוֵ֨א;מִתְיְהֵ֥ב לְהֹ֛ם י֥וֹם בְּי֖וֹם דִּי לָ֥א שָׁלֽוּ

עַד מְאָה֒ כַּכְּרִ֣ין כְּסַף֮ מְאָ֔ה כֹּרִ֣ין חִנְטִין֙ מְאָ֔ה בַּתִּ֣ין חֲמַר֙ מְאָ֑ה בַּתִּ֥ין מְשַׁ֖ח וּמְלַ֖ח דִּי לָ֥א כְתָֽב

בֵּלְשַׁאצַּ֣ר מַלְכָּ֗א עֲבַד֙ לְחֶ֣ם רַ֔ב לְרַבְרְבָנ֖וֹהִי אֲלַ֑ף שָׁתֵֽה חַמְרָ֥א וְלָקֳבֵ֥ל אַלְפָּ֖א

בֵּלְשַׁאצַּ֞ר בִּטְעֵ֣ם חַמְרָ֗א אֲמַ֣ר לְהַיְתָיָה֙ לְמָאנֵי֙ דַּהֲבָ֣א וְכַסְפָּ֔א דִּ֤י הַנְפֵּק֙ נְבוּכַדְנֶצַּ֣ר אֲב֔וּהִי מִן הֵיכְלָ֖א דִּ֣י בִירוּשְׁלֶ֑ם וְיִשְׁתּ֣וֹן בְּה֗וֹן מַלְכָּא֙ וְרַבְרְבָנ֔וֹהִי שֵׁגְלָתֵ֖הּ וּלְחֵנָתֵֽהּ

אִשְׁתִּ֖יו חַמְרָ֑א וְ֠שַׁבַּחוּ לֵֽאלָהֵ֞י דַּהֲבָ֧א וְכַסְפָּ֛א נְחָשָׁ֥א פַרְזְלָ֖א אָעָ֥א וְאַבְנָֽא

הִתְרוֹמַ֡מְתָּ וְעַ֣ל מָרֵֽא שְׁמַיָּ֣א הַיְתִ֣יו קָֽדָמָ֗ךְ וּלְמָֽאנַיָּ֨א בַיְתֵ֜הּ וְאַ֨נְתְּ וְרַבְרְבָנָ֜ךְ שֵֽׁגְלָתָ֣ךְ וּלְחֵנָתָךְ֮ שָׁתַ֣יִן בְּהוֹן֒ חַמְרָא֮ שַׁבַּ֑חְתָּ וְלֵֽאלָהֵ֣י כַסְפָּֽא וְ֠דַהֲבָא נְחָשָׁ֨א פַרְזְלָ֜א אָעָ֣א וְאַבְנָ֗א דִּ֠י לָֽא חָזַ֧יִן וְלָא שָׁמְעִ֛ין וְלָ֥א יָדְעִ֖ין וְלֵֽאלָהָ֞א דִּֽי בִּידֵ֛הּ נִשְׁמְתָ֥ךְ לֵ֖הּ וְכָל אֹרְחָתָ֥ךְ לָ֥א הַדַּֽרְתָּ