וַיִּקְשֹׁ֣ר עָלָיו֩ פֶּ֨קַח בֶּן רְמַלְיָ֜הוּ שָׁלִישׁ֗וֹ וַיַּכֵּ֨הוּ בְשֹׁמְר֜וֹן בְּאַרְמ֤וֹן בֵּית הַמֶּ֙לֶךְ֙ אֶת אַרְגֹּ֣ב וְאֶת הָאַרְיֵ֔ה וְעִמּ֛וֹ חֲמִשִּׁ֥ים אִ֖ישׁ מִבְּנֵ֣י גִלְעָדִ֑ים וַיְמִיתֵ֖הוּ וַיִּמְלֹ֥ךְ תַּחְתָּֽיו

בִּשְׁנַ֨ת וּשְׁתַּ֙יִם֙ חֲמִשִּׁ֤ים לַעֲזַרְיָ֖ה מֶ֣לֶךְ יְהוּדָ֑ה מָ֠לַךְ פֶּ֣קַח בֶּן רְמַלְיָ֧הוּ עַל יִשְׂרָאֵ֛ל בְּשֹׁמְר֖וֹן עֶשְׂרִ֥ים שָׁנָֽה

בִּימֵ֞י פֶּ֣קַח מֶֽלֶךְ יִשְׂרָאֵ֗ל בָּא֮ תִּגְלַ֣ת פִּלְאֶסֶר֮ מֶ֣לֶךְ אַשּׁוּר֒ וַיִּקַּ֣ח עִיּ֡וֹן אָבֵ֣ל בֵּֽית מַעֲכָ֡ה יָ֠נוֹחַ קֶ֨דֶשׁ חָצ֤וֹר הַגִּלְעָד֙ הַגָּלִ֔ילָה כֹּ֖ל אֶ֣רֶץ נַפְתָּלִ֑י וַיַּגְלֵ֖ם אַשּֽׁוּרָה

וַיִּקְשָׁר הוֹשֵׁ֣עַ בֶּן אֵלָ֗ה עַל פֶּ֙קַח֙ בֶּן רְמַלְיָ֔הוּ וַיַּכֵּ֙הוּ֙ וַיְמִיתֵ֔הוּ וַיִּמְלֹ֖ךְ תַּחְתָּ֑יו בִּשְׁנַ֣ת עֶשְׂרִ֔ים לְיוֹתָ֖ם בֶּן עֻזִיָּֽה

וְיֶ֥תֶר דִּבְרֵי פֶ֖קַח וְכָל אֲשֶׁ֣ר עָשָׂ֑ה הִנָּ֣ם כְּתוּבִ֗ים עַל סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל

בִּשְׁנַ֣ת שְׁתַּ֔יִם לְפֶ֥קַח בֶּן רְמַלְיָ֖הוּ מֶ֣לֶךְ יִשְׂרָאֵ֑ל מָלַ֛ךְ יוֹתָ֥ם בֶּן עֻזִיָּ֖הוּ מֶ֥לֶךְ יְהוּדָֽה

בַּיָּמִ֣ים;הָהֵ֔ם הֵחֵ֣ל יְהוָ֗ה לְהַשְׁלִ֙יחַ֙ בִּֽיהוּדָ֔ה רְצִ֖ין מֶ֣לֶךְ אֲרָ֑ם פֶּ֥קַח בֶּן רְמַלְיָֽהוּ

בִּשְׁנַת֙ שְׁבַֽע עֶשְׂרֵ֣ה לְפֶ֖קַח בֶּן רְמַלְיָ֑הוּ מָלַ֛ךְ אָחָ֥ז בֶּן יוֹתָ֖ם מֶ֥לֶךְ יְהוּדָֽה

אָ֣ז יַעֲלֶ֣ה רְצִ֣ין מֶֽלֶךְ אֲ֠רָם וּפֶ֨קַח בֶּן רְמַלְיָ֧הוּ מֶֽלֶךְ יִשְׂרָאֵ֛ל עַל יְרוּשָׁלִַ֖ם לַמִּלְחָמָ֑ה וַיָּצֻ֙רוּ֙ אָחָ֔ז וְלֹ֥א יָכְל֖וּ לְהִלָּחֵֽם

וַיַּהֲרֹג֩ פֶּ֨קַח בֶּן רְמַלְיָ֜הוּ בִּֽיהוּדָ֗ה מֵאָ֨ה וְעֶשְׂרִ֥ים אֶ֛לֶף בְּי֥וֹם אֶחָ֖ד הַכֹּ֣ל בְּנֵי חָ֑יִל בְּעָזְבָ֕ם יְהוָ֖ה אֱלֹהֵ֥י אֲבוֹתָֽם

וַיְהִ֡י בִּימֵ֣י אָ֠חָז בֶּן יוֹתָ֨ם בֶּן עֻזִּיָּ֜הוּ מֶ֣לֶךְ יְהוּדָ֗ה רְצִ֣ין מֶֽלֶךְ אֲ֠רָם עָלָ֣ה וּפֶ֨קַח בֶּן רְמַלְיָ֤הוּ מֶֽלֶךְ יִשְׂרָאֵל֙ יְר֣וּשָׁלִַ֔ם לַמִּלְחָמָ֖ה;עָלֶ֑יהָ וְלֹ֥א יָכֹ֖ל לְהִלָּחֵ֥ם;עָלֶֽיהָ